1 2 3 گل پژمردہ flower withered

گل پژمردہ flower withered

گُل پژمردہ

کس زباں سے اے گُلِ پژمردہ تُجھ کو گُل کہوں
کس طرح تجھ کو تمنّائے دلِ بُلبل کہوں

تھی کبھی موجِ صبا گہوارۂ جُنباں ترا
نام تھا صحنِ گُلستاں میں گُلِ خنداں ترا

تیرے احساں کا نسیمِ صُبح کو اقرار تھا
باغ تیرے دم سے گویا طبلۂ عطّار تھا

تجھ پہ برساتا ہے شبنم دیدۂ گریاں مرا
ہے نہاں تیری اُداسی میں دلِ ویراں مرا




میری بربادی کی ہے چھوٹی سی اک تصویر تُو
خواب میری زندگی تھی جس کی ہے تعبیر تُو

ہ
نَے از نیستانِ خود حکایت می کنم
بشنو اے گُل! از جُدائی ہا شکایت می کنم

Post a Comment

0 Comments

مزاحیات بلاگ پر آپ کا استقبال کیا جاتا ہے